புகைப்படபோட்டி-50 வல்லமை

கலிகாலம்

சுட்டிப்பெண்ணே உன்
சுட்டித்தனத்திற்குப் பயந்துதான்
கட்டிப்போட்டிருக்கிறாள் அன்னை
கட்டுப்பாட்டிற்குள் இருக்கும்வரைதான்
கட்டளைகள் செலுத்தமுடியும்
இந்த நிகழ்வை பார்க்கும்போது
அந்த யசோதா வீதியிலுள்ளவீடுகளில்
வெண்ணை திருடிய மாயக்
கண்ணனை உரலில் கட்டிப்போட்டதுதான்
நினைவுக்குவருகிறது ..
தாய் கண்முன்னே காவல்இருக்கும் வரை
பெண்ணுக்கு பாதுகாப்பு
மனிதனின் காமம்
மரணகுழி வெட்டும் சோகம்
மலராத மொட்டுகளைக் கூட
மதிகெட்டு கசக்கக் கூடாதென்றே
அழுத்தும் பணியிலும்
துரத்தும் கடமையிலும்
கண்முன்னேயே கட்டிப்போட்டிருக்கிறாள்
என்ன செய்வது கலிகாலம்
பெண் பெயரில் இருப்பதால்
நதிகள் கூட பாழ்படுத்தப்ப்டும் நிலையில்
நீயெங்கே நான் எங்கே?

சரஸ்வதி ராஜேந்திரன்

உவமையும் ஒப்புமையும் அழகு. அக்கறையும் தாய்மை உணர்வும் இயலாமையுடன் சமூக அவலத்தைக் காட்டும் பாங்கும் நன்று சரஸ்வதி ராஜேந்திரன்.

கொலுசுஇதழ் 10-2-2016 சென்ரியு கவிதைகள்

சண்முக கவசம் பிப்ரவரி இதழ்

வல்லமைபுகைப்படபோட்டி--49

சரஸ்வதி இராஜேந்திரன்

பந்தயக் குதிரை

பந்தயக் குதிரை

அரேபியாவின் இறக்குமதியே 
அப்பாவி அழகு குதிரையே  நீ
குதித்து ஓடியதால் குதிரையானோயோ
பரிந்து ஓடியதால் பரி ஆனாயோ  ?
உன்னை மனிதன் அடிமை ஆக்கி
தன்  இஷ்டத்திற்கு ஆட்டி வைத்தான்
ஏருழவும்  வண்டி இழுக்கவும் பயன் பட்ட நீ
இன்று அலங்காரத்திற்கும்பந்தயத்திற்குமாய் 
உன்னை நம்பியே இருக்கிறான் ஜாக்கி
உன் வேகத்தை காட்டி வெற்றியை அடையகுதிரை
ஊக்கமருந்து ஊசி போடாதே என்று இரைஞ்சுகிறதா  ?
போட்டால்தான் வெற்றியென பாகன் நினைக்கிறானா?
அரசியல் வாதிகளும் குதிரை சக்தியில்
ஆரம்பித்து விட்டார்கள் ஓட்டத்தை
தேர்தல் நேரம் வந்து விட்டதால் 
இங்கிருந்து அங்கே அங்கிருந்து இங்கேதாவ
குதிரை பயன் பாடு குறைந்தாலும்
குதிரை சக்தி என்ற சொல் மட்டும் இன்றும்
மோட்டார்களிலும் எலக்ட்ரிக் என்ஜின்களிலுமாய்

சரஸ்வதி ராஜேந்திரனின் கவிதையின் தலைப்பும் எண்ணவோட்டமும் ஆற்றொழுக்கு போன்றது. வரிசையாக தேர்தல் வரை கொணர்ந்து சேர்த்துவிட்டார்.

ஜனவரி மாத கவிதை---மனிதபிமானம்

உலக மயமாக்கல் யுகத்தில்

பணத்தையே மனிதன்

பெரிதாய் நினைப்பதால்

மனிதம் செத்துக்கொண்டிருக்கிறது

அடிபட்டவனை ஆஸ்பிடலில்

சேர்க்காமல் பேட்டி எடுப்பது

மனிதாபிமானமில்லை

யார் செய்தியை முந்தித் தருவது

எனப்போட்டிப்போடும்

சேனல்கள் செய்வது மனிதபிமானமில்லை

பேருக்காகவும் புகழுக்காகவும்

வியாபரத்துக்காகவும் செய்வது

மனிதாபிமானமில்லை

வறுமையால் துடி துடிக்கும்

ஏழையின் துயர் துடைக்க

பிடி சோறு பிழைப்பைக் கொடு

கல்லாது கருகிவிடும் சிறார்களுக்கு

கற்றலின் அவசியத்தை எடுத்துச்சொல்லி

கல்வி கற்க பண உதவிசெய்

ஊனமுற்றோருக்குமனமிரங்கு

துணியின்றி தவிப்போருக்கு துணிகொடு

மனிதனாய் இருந்தாலும்

மாக்களாய் இருந்தாலும்

துயருவோரின் துயர் துடை

மனிதனாக பிறப்பது பிறப்பல்ல

மனித நேயத்தோடுஇருப்பதே சிறப்பு

மனிதத்துவமில்லாத மனிதர்கள்

தினந்தோறும்செத்த பிறவிக்குச் சமம்

மனிதத்துவத்தோடு  வாழுங்கள்

தடாகம்வெப் சைட் =கவிதை நவீனமயமாக்கல்

t

கவியருவி--ஹைக்கூ