இடைக்காட்டு சித்தர்
ஆடுகளை மேய்த்துவந்தார்
ஏழையுள் ஏழையாய்
ஏழ்மைதன் தோழனாய்
எழுத்தறிவு இல்லாஇடைக்காடர்
சிந்தை ஒடுங்கியவராய்
சிவயோக நிலையில்
கொம்பைஊன்றிக்கொண்டு
இறை நெறியில் ஒன்றி
இரண்டறக் கலந்து நிற்க
வான் வழியில் வந்த
நவயோக சித்தர் போகர்
அவரின் பக்தியைக் கண்டு
வைத்தியம் மருத்துவம்
சோதிடம் ஞானம் யோகம்
அருளிச்சென்றார்
சோதிடத்தில் முக்காலமும்
உணர்ந்ததால் பஞ்சம் போக்க
ஆடுகளை நோயின்றி காக்க
எருக்கமிலை உண்ணக் கொடுத்தார்
வரகரிசி கஞ்சியும் ஆட்டுப்பாலும்
அருந்தி உயிர் வாழ்ந்தார்
நவக் கிரகங்களை
நயமாக வரவழைத்து
வரகரிசிக் கஞ்சியும்
ஆட்டுப்பாலும் கொடுக்க
விருந்துண்ட மயக்கத்தில்
உறங்கி கிடக்க
கிரகங்களை மாற்றி வைத்து
வியாழனை நிறுத்தினார்
பஞ்சமும் பசியும் பறந்து போனது
கொட்டும் மழை பொழிய வைத்து
குவலயத்தைக் காத்தார்
மதியாத மன்னனின்
சித்தத்தை சுத்திசெய்தார்
கற்றூணைப் போல்மனத்தைக் காட்டு மயிலே – வரும்
காலனையும் தூரத்தில் ஓட்டுமயிலே –
மோன நிலையில் முத்திஉண்டாம் என்றே
கானமாய் ஊதுகுழல் - கோனே
கானமாய் ஊதுகுழல்
சித்தர் பாடல்கள் சிந்தைக்கு விருந்தாம்
உலகே சிவமயம் என முக்தி நெறிகாட்டி
புகழோடும் மாண்போடும்
திருவிடைமருதூரில் சமாதிஆனாரே
சரஸ்வதிராசேந்திரன்
Kesavadhas
Admin
Saraswathi Rajendran சிந்தை தங்கும் இயல்பு நடையிலோர் எழிற் கவிதை!
பேரழகு வாழ்த்துகள் கவிஞரே!
கருத்துகள் இல்லை:
கருத்துரையிடுக