மந்தமாருதம் மலைய மாருதம்
தெற்கிலிருந்து வீசும்
தென்றலெனும் பூங்காற்று
தேமதுர இதக்காற்று
மலையிலிருந்து வீசுவது
மலைய மாருதமாம்
மூலிகை வாசம்வீசி
மெய்குளிர்விக்கும் முனிவரையும்
தென்றலும் வீசிடவே
தேகமது சிலிர்ப்பாகும்
உளச்சூடும் நிலையாகும்
உள்ளமதும் களிப்பாகும்
மந்தமாருதம் வீசிடும்
மன்னவ னைத்தேடும்
பெண்ணின் மனது
பிரியமானவனைக் கூடும்
ஆற்றோரம் நாணலும்
அழகாகத் தலையாட்டும்
மூங்கில் மரக்காடுகளும்
முண்முணுக்கும் இசையை
ஓசையிடும் பூங்காற்று
உணர்வுகளைத் தூண்டிவிடும்
உள்ளக் குமுறலுக்கு
உரமேற்றிவிடும் மலைக்காற்று
மலைய மாருதம்
காலனின் வேலென
கம்பனும் பாடிவைத்தான்
சூர்ப்பனகை காதல் கொந்தளிப்பை
திருத்தொண்டர் புராணத்தில்
திருத்தமாய் சொன்னார்
தென்றல் வீசும் சீதப்
பந்தல் தண்ணீர் அமுதமென
வந்து அனைந்த வாகீசர்
சிந்தை வியப்பு உறவே
மந்தமாருதம் தவழும்
சந்திரன் வானில் திகழும்
கன்னிப்பூவின் கண்ணில்
காதல் ரேகை ஓடும்
வந்து நாசிதொடும் முல்லை
சிந்தை சிலிர்த்தெழச் செய்யும்
பூவில் தேனெடுக்க
பொன்வண்டு பார்த்திருக்கும்
இயற்கை மாருதங்கள்
இறைவனின் செயலாகும்
நினைவு வலைவீசும்
நித்திலத்தில் கலையாகும்
சரஸ்வதிராசேந்திரன்
செல்வா ஆறுமுகம்
Admin
Saraswathi Rajendran ஆகா
இராமாயணம்,
திருத்தொண்டர் புராணம் என
அத்தனையையும் ஆராய்ந்து எழுதியிருக்கிறீர்... சிறப்பு கவிஞரே.
இயற்கை மாருதங்கள்
இறைவனின் செயலாகும் - உண்மைதான் கவிஞரே.
வாழ்த்துகள்.
Boost this post to reach up to 293 more people if you
கருத்துகள் இல்லை:
கருத்துரையிடுக