வம்ப மழை
விழிகள் கலந்து
இதயம் நுழைந்து
உருகியே உயிரில்கலந்து
நிலைப்படும் அன்பால்
அகப்படும் யாவும்
நலமேபெற்று அன்பில்
திளைத்துக் கிடக்கையில்
பொருள்வயிற் பிரியும்
தலைவன் செயலால்
பிரிய மனமின்றிப்
பிழிய அழுதவளை
தேற்றிச் சொன்னான்
கார்காலம் வருமுன்னே
ஊர்வருவேனென சொன்னான்
அடியே என்னுயிர்த்தோழி
கார்காலம் வந்து
முல்லையும் பூத்தது
காணேனடியென் தலைவனை
கலங்கி தவித்த
தலைவியைத் தேற்றினாள்
அவளுயிர்த் தோழி
பருவம் மாறி
பெய்யும் மழையினால்
உருகிநீ மயங்கலாகா
காலம் தவறியமழையின்
கோலத்தால் முல்லைபூத்தது
வம்ப மழைகண்டுநீ
துன்பம் கொள்ளாதே
உண்மையறியா துழன்றுத்
தவிப்பது அழகல்ல
சொல்லைக் காப்பவன்
முல்லைத் கொடியுன்னைத்
தாங்கிடத் தலைவனவன்
நெஞ்சினிக்க நிம்மதித்தந்து
கொஞ்சி மகிழ்ந்திட
கார்மழை வருமுன்
காதலன் வருவான்
சரஸ்வதிராசேந்திரன்
kesavadas
Saraswathi Rajendran சரளமாக தரளமாக வந்துவிழும் வளமான வலுவான வார்த்தைகள் கவிதையின் வலு!
பிரிய மனமின்றி பிழிய அழுதாளாம்!
இந்தச் சொல்லாடல் அபூர்வம்!
காலம் தவறிய மழையின்..
முதல் இறுதி வரை கவிதையின் வேகம் பரியின் வேகமோ பரிதியின் வேகமோ!
கவிதை பேரழகு வாழ்த்துகள் கவிஞரரே
Boost this post to reach up to 408 more people if y
கருத்துகள் இல்லை:
கருத்துரையிடுக