மஞ்சன நீராட வா
வண்ண அழகிய நம்பி நாரணனே
என்னால் ஓடமுடியாது சொன்னால் கேள்
மஞ்சனம் நீராட வந்துவிடு மணிவண்ணா
வென்னீர் கலந்து வைத்துள்ளேன் வாராய்
வெண்ணெய் அளைந்த கரமும் நீ
விளையாடிய தெருப் புழதியும் சேர்ந்து
உடலில் ஒருவித நாற்றம் வீசுகிறது
கட்டிலில் இரவு நீ படுத்துறங்க
உன்னை நான் அனுமதியேன் ஓடாதே
பாலில் வெல்லம் சேர்த்து உனக்குப்
பிடித்த அப்பம் சுட்டு வைத்திருக்கிறேன்
நன்னாளாம் நீ பிறந்த திருவோண
நந்நாளில் மஞ்சன நீராட வாராய்
நாரணா ஓடாதே கோகுல கண்ணா
ஆயர்பாடிக் கண்ணா ஓயாது உன்னை
ஆய்ச்சியரும் வெண்ணெய்க் குடத்தை உருட்டியதால்
புறம்பேசிச் சிரிக்கின்றனர் புரியவில்லையா உனக்கு
கன்றின் வாலைக்கட்டி கனிகளுதிர எறிந்து
பின் தொடர்ந்து பாம்பைபிடித்துக் கொண்டாட்டினாய்
காணப் பெரிதும் உவப்பாக இருந்தாலும்
கண்டவர் பழித்துக் கூறுவரே போதும் வா
மாணிக்கமே என் மரகதமே மஞ்சன நீராடாவா
சரஸ்வதிராசேந்திரன் See Less
கருத்துகள் இல்லை:
கருத்துரையிடுக