சிறு விளையாட்டி
பாற்சோறும் பழமும் புகட்டச் சென்றால்
பருகாமல் பாடாய்ப் படுத்தி அங்குமிங்கும்
அரிதாய்ப் பெரிதாய் அமைத்துச் சமைத்ததை
ஓடியும் ஆடியும் ஒளிந்தும் கிடந்து
வேடிக்கை காட்டும் விஷமக் காரியை
அதட்டியும் உருட்டியும் மிரட்டியும் பார்த்து
அலுக்காமல் சலிக்காமல் ஆட்டம் காட்டிய
செல்வமகள் நிலையை செவிலித்தாய் உரைக்கிறாள்
சிறுவிளையாட்டியாய் இருந்தவள் மாறியது எப்படி
பொறுப்புடன் நின்றாள் வறுமையை மறைக்க
புரிந்திட வைத்தும் புகட்டியதும் யார்
சேய்குணம் நீங்கி செம்மனம் ஓங்கியதே
விருப்பு வெறுப்பிவ் விரண்டும் இல்லாமல்
இருப்பதைக் கொண்டு நிறைவாய் வாழும்
கலையைக் கற்றுத் தந்தது யரோ
பெற்றவர் உதவியையும் மறுக்கிறாள் மாண்புடன்
கண்ணீர் விடுதலும் கவலையும் வேண்டாம்
கணவனின் வருவாயில் கண்ணியமாய் வாழ்கிறாள்
எண்ணத்தில் உயர்ந்து ஏழ்மையையே மறைக்கின்றாள்
சின்னவளல்ல குடும்பத்தைக் காக்கும் குலமகளானாள்
செவிலியின் செவியுரை கேட்ட நற்றாய்
வியந்தே ஆனந்தக் கண்ணீர் விட்டாள்
சரஸ்வதிராசேந்திரன்
கருத்துகள் இல்லை:
கருத்துரையிடுக