கவியருவி

கவியருவி
பூந்தளிர்

பெற்றவர்கள் மோகத்தின் உச்சம்
பிறந்ததது உயிரின் மிச்சம்
பூந்தளிர் வரவினால்இல்லத்தில்
பூந்தென்றல் வீசி வீடுசெழிக்கும்

மொச்சக்கொட்டைக் கண்ணால்
முழிச்சு முழிச்சு பார்க்கும்
குட்டைகாலையும் குட்டை கையையும்
சட்டையைப்போட்டால் ஆட்டும்

பிஞ்சு பாதங்களினால்
நெஞ்சில் அது உதைக்கும்
கொஞ்சி முத்தமிட்டால்
மூஞ்சியையே அது நக்கும்

அள்ளி அள்ளி அணைக்கையில்
துள்ளித் துள்ளி குதிக்கும்
கிள்ளி வச்ச முல்லைப்போல
கையில் வாசம் வீசும்

தாயின் நெஞ்சம் தானே
சேயின் தங்கத் தொட்டில்
தாவித்தழுவும் தோளை
ஆவி துடிக்கும் அன்பால்

மழலை இல்லா வீடு
மழை இல்லா வெடித்த வயற்காடு
கோடிசெல்வம் இருந்தாலும்
தேடக்கிடைக்கா தெய்வப்பரிசு

ஆக்கம்

சரஸ்வதிராசேந்திரன்